2/17/2018

Presentación de libro de divulgación na Domus

O martes 20 de febreiro ás 19:30, a Domus acolle a presentación do último libro da química coruñesa Deborah García Bello. En «¡Que se le van las vitaminas! Mitos y secretos que solo la ciencia puede resolver», a divulgadora debulla como unha mentira repetida un millón de veces acaba parecendo unha verdade. [+]

2/15/2018

Viaxe ao centro do Aquarium Finisterrae

O luns 19 de febreiro, ábrese a preinscrición a través de formulario en liña para as sesións de febreiro e marzo desta actividade. Unha visita guiada pola zona técnica do Aquarium Finisterrae, que inclúe instalacións como o laboratorio, a cociña, as salas de filtración ou as salas de corentena. Dirixida a persoas maiores de 14 anos, celebrarase sábados e domingos ás 12 horas. [+]

2/12/2018

“Proteínas HMGB en la regulación de genes y la reparación del ADN”

Conferencia na Domus, o xoves 15 de febreiro ás 19.30 horas. A cargo de Esperanza Cerdán, investigadora da Universidade da Coruña, que explicará a importancia dun grupo de proteínas, chamadas HMGB, para o tratamento do cancro e outras enfermidades dexenerativas asociadas coa idade. [+]

2/09/2018

I Xornada de Neurocientíficas na Domus

Para celebrar o Día Internacional da Muller e a Nena, a Domus acolle o luns 12 de febreiro ás 19:00 a I Xornada de Neurocientíficas, que ten como obxectivo concienciar á comunidade neurocientífica, pero tamén á científica en xeral, de que a participación da muller non debe ser a excepción, senón a norma. Para iso, as charlas que compoñen esta xornada serán ofrecidas por mulleres en diferentes estadios da súa carreira profesional. [+]

2/02/2018

Sesións de Merendas no Aquarium de febreiro e marzo

O luns 5 de febreiro ás 10:00 ábrese o prazo de preinscrición para as novas sesións que se celebrarán en febreiro e marzo de 2018, cun total de 240 prazas. Para participar nas Merendas hai que preinscribirse a través de formulario en liña. [+]

1/24/2018

Novas sesións de "Aventura coas focas"

O luns 29 de xaneiro ás 10:00 abre o prazo para preinscribirse nas sesións de Aventura coas focas dos meses de febreiro e marzo. Esta é unha actividade do Aquarium Finisterrae dirixida a nenos e nenas maiores de 7 anos, que deberán asistir acompañados dunha persoa adulta. A experiencia inclúe participar na elaboración da comida e na alimentación das focas. [+]

1/19/2018

Taller de arte efémera no Aquarium

O Aquarium Finisterrae organiza dous talleres de arte efémera para público familiar no que se poderán elaborar pequenas obras artísticas utilizando residuos plásticos recuperados das praias. Para participar é necesario realizar unha preinscrición a través dun formulario electrónico que se abrirá o luns 22 de xaneiro ás 10 horas.  [+]

1/12/2018

Taller infantil audiovisual na Casa das Ciencias

A Casa das Ciencias organiza o taller infantil "As cores da luz", que terá lugar en dúas quendas, os días 21 e 28 de xaneiro de 2018 de 10 a 14 horas, dirixido a nenas e nenos de entre 6 e 8 anos. Para participar hai que preinscribirse previamente a través de formulario electrónico, desde o luns 15 de xaneiro ás 10 horas. [+]

1/09/2018

Ampliado o prazo premio Luis Freire

Ampliamos o prazo para presentar preguntas e participar no premio Luís de Investigación Científica na Escola ata O VENRES 12 DE XANEIRO. Este Premio ten dúas modalidades. Se queres participar, o primeiro paso é coñecer a modalidade máis adecuada ao teu interese; logo pensar nunha pregunta á que queiras dar resposta e que teña relación con feitos ou procesos do noso ámbito máis inmediato e da vida cotiá. [+]

1/07/2018

Conferencia de Moncho Núñez no Aquarium Finisterrae

O vindeiro xoves, 11 de xaneiro, ás 19:00 no Aquarium, o exdirector dos Museos Científicos Coruñeses e do Muncyt, Ramón Núñez Centella, ofrecerá unha conferencia sobre a importancia da aprendizaxe ao longo da vida, e máis en concreto no campo das ciencias. Esta charla forma parte dun ciclo de conferencias organizado pola Asociación de Amigos da Casa das Ciencias con motivo do seu 25 aniversario. [+]